鴻星中菜 (Closed)

自從上次同家人一起去左time square果間鴻星飲茶之後, 一直都心思思想再去飲茶食佢地既點心...上星期六又係長命工作日, 所以叫左老闆陪我去淘大間鴻星飲茶..點知上到去睇到張點心紙先發現原來此分店d 點心少好多架..無上次我去time square果間咁多款式..不過d點心都唔錯我地叫左個灌湯餃, 點心拚盤(蝦餃, 燒賣, 牛肉同埋石頭魚餃), 黃橋燒餅同埋一個脆雞絲腸粉...個腸粉都幾特別腸粉入面包d好似春卷皮脆卜卜都唔錯.其實佢地d點心真係唔錯, 不過此分店點心選擇少左d啦..但我已經好滿足啦.