人生有限杯.串燒店

Open Now

Now Closed

旺角新開串燒店，提供多款創意料理，最平$10就有交易，即叫即整，新鮮滾熱辣。店內環境唔大，座位闊落，價格親民且地點方便，適合約一大班朋友仔嚟Gathering啤一啤佢🍻私心推介呢度嘅卷物，口味眾多，有荔枝、秋葵、麻糬等，豚肉肥瘦適中，搭配唔同餡料，口感豐富，層次分明。另有紫菜鵪鶉蛋同黑松露金菇卷，咬落多汁，令人一試難忘。Fusion菜式有明太子忌廉烏冬，麵條煮得啱啱好，煙韌得嚟帶點咬口而且會掛汁。芫荽雞絲手抓餅外層脆身，包住雞絲都幾得意。老油條釀芝墨魚滑，獨家製作，酥脆可口，彈牙美味。肉類都唔輸蝕，要咗泰式燒墨魚鬚、鹽燒西班牙五花腩、味噌松板豬、鹽燒雞腿肉、鹽燒雞中翼同椒鹽燒雞尾，肉質嫩滑唔嚡口，份量比想像中多，性價比高，值得到訪一試。