桔梗 (Closed)

每次去開旺角諗要食咩，通常都會揀嚟桔梗，欣賞佢啲出品水準穩定，質素有保證。平日晚上嚟到，好彩唔使排隊。見好多檯都係食緊壽喜燒，我哋上次嚟都食過都得唔錯，今次就轉吓口味，點咗兩set定食。桔梗combo　$158有齊曬日本A4黑毛和牛肉燥飯同日本A4黑毛和牛三文治出面食黑毛和牛三文治好貴，桔梗呢set真係好抵食！多士非常香脆，和牛口感軟嫩、牛味濃郁，兩者夾埋一齊食，無論口感定味道都好豐富好好食黑毛和牛肉燥飯嘅肉燥係大大粒嘅和牛肉，又腍又入味，個汁甜甜地咁，送飯一流～嫩煎鮭魚定食　$128個三文魚煎得啱啱好，魚皮超脆，魚肉嫩滑，唔會過熟。條魚本身已經落咗啲鹽嚟煎，再吱啲檸檬汁同點啲蘿蔔蓉，簡簡單單嘅調味已經好好食。定食跟嘅配菜同頭先個和牛set一樣，特別鍾意個溏心蛋同香菇！溏心蛋嘅流心效果好正，好香蛋味；香菇醃到甜甜地咁好好食，佢呢度嘅定食set跟嘅配菜真係好多，所以每一啖飯都會有餸配埋一齊食日日燕麥奶搖（芒果）　$58由芒果、乳酪同燕麥奶混合而成，燕麥奶有益健康又低卡，超香濃嘅乳酪同芒果非常之夾，酸酸甜甜，美味清新