90s Lazy (先施大廈) (Closed)

近排係openrice search cafe，見呢間cafe新開就去試下啦😍佢就係先達附近，唔難搵，同地鐵站都好近，夠晒方便💓上到去，係好文青，好日系嘅感覺，成個感覺好治癒，而且仲有好多盆栽🌵我地叫咗2樣 一個黑松露忌廉意粉，一個all day breakfast，佢個名叫唔想諗，勁cute!個意粉松露味同忌廉味配搭得啱啱好，唔會too much，唯一一樣係油咗少少，但係真心高質嘅😍另外，個all day breakfast有腸，煙肉，蛋同窩夫！最正係個蛋，啱啱好熟，超好味😍不過個窩夫如果可以脆啲，燶多少少就更好啦🤤之前有openrice過，見佢評價一般話態度唔好，我又覺得唔係喎，雖然佢得2個staff，要等一陣安排入座同落order，但2個人又要煮，又要serve，又要收錢，我覺得等一陣都ok啊，而且佢地都好有禮貌咁叫我等一等😍下次會再去，因為佢個到環境真心正！