樂湯雞麵館 (登龍街) (Closed)

行街行過登龍街，咁啱落緊雨又冇帶遮，見到呢間舖頭個名好特別，既然係咁應景，所以就入咗去試下啦間舖頭入面都好古色古香，好乾淨又企理，我哋坐低，舖頭店員就好快埋嚟落單，推介我哋食砂鍋龍皇雲吞雞，咁我哋就嗌咗一份雲吞雞。自己又口痕想食岀前一丁，就叫咗個XO醬招牌雙寶撈出前一丁。諗住食啲菜，所以就嗌埋一個雲腿浸娃娃菜。啲食物都好快就上枱，第一上枱嘅菜就係個娃娃菜一放低就聞到好濃好香嘅金華火腿味，個奶油輕身得來又好香，配埋金華火腿一齊食，非常出色第二道上枱嘅菜就係個雲吞雞，一放上枱見到佢喺度沸騰緊已經覺得好吸引，除咗賣相好睇之外：首先個雞唔會好韌有雞味，仲要好多都係雞髀肉，啖啖肉個雲吞超級大粒，個size係出面食嘅雲吞嘅兩倍！入面有原隻大蝦同埋好足料嘅肉，雲吞皮仲好滑重點就係個雞湯，好濃郁好香好好飲！唔使嗌飲品淨係飲呢個湯都已經足夠！第三道菜就係個XO醬撈丁，個XO醬真係好出色，撈埋個丁簡直係一絕！入面包埋雲吞同埋水餃兩款都好好食，好足料！食完問返個店員，先知原來個XO醬都係佢哋自家製！但係咁啱賣晒，下次經過見到有一定要買返一樽XO醬返屋企食估唔到咁都比我發現到一間咁好食嘅餐廳，真係好值得推介！