Lagom Kaffe (Closed)

之前食過牛頭角分店，見到原來觀塘都有就黎試下。入到餐廳感覺好大好舒服，一啲焗促感都無。當時天都未黑, 所以仲可以好清楚睇到outdoor係點，如果天氣涼啲，坐outdoor應該會好舒服。同朋友2個人，無叫好多野，但全部都好好食，我地叫左一個沙律, 一個Pizza同一個甜品燒紐西蘭牛柳配牛油果南瓜雞蛋沙律呢個沙律寫明係生酮既,  其實佢仲有幾款都係生酮既，照顧到減肥既人既需要，最正係咁啱有個沙律係所有野我都鍾意食，佢都有啲醬咁啲菜唔會太乾，個牛好腍好好食，而個蛋仲係流心蛋，正呀。煙三文魚洋蔥Pizza呢個Pizza我都好鍾意，餅底唔厚，同個芝士比例1:1，會食到餅底既脆同芝士既軟，而且入口仲熱辣辣好正，我鍾意每啖都咬啲洋蔥一齊入口，洋蔥既味提升左個Pizza既味~雪糕脆筒麻糬窩夫其實黎到個甜品已經好飽，我同朋友連個Pizza都食唔哂，估唔到咁抵食lol。呢個甜品勁大份，好多料，我鍾意嗰條焦糖面既香蕉，個窩夫好厚，啲麻糬就喺個窩夫入面，好多麻糬~ 其實上次喺牛頭角嗰間食左個tiramisu好好味, 今次黎呢度都想再食，不過好可惜佢賣哂，唯有下次再食啦~