Santorini Greek Taverna

Open Now

Now Closed

希臘餐廳嘅菜式真係令人驚喜！佢哋嘅牛肉飯好入味，牛肉鮮嫩多汁，同埋配上希臘特色嘅香料同芝士，真係令人回味無窮。鱸魚飯就更加出色，鱸魚鮮滑彈牙，同埋米飯襯得好好，口感絕佳。希臘餐廳嘅服務員都好友善，好樂意同我哋傾吓計，令我哋有一種去咗旅行嘅感覺！非常休閒又放鬆餐廳嘅氛圍亦都非常之吸引人～ 餐廳以愛琴海嘅藍色同白色做裝修，令人感覺好放鬆同埋舒適。而且餐廳嘅空間好大，有好多座位同埋露台，可以一邊享受美食，一邊欣賞外面嘅風景。如果你有大型聚會或者私人派對嘅需要，餐廳都有一個包場細房，可以容納多達18個人。整間餐廳包場，可能可以容納大概80個人，真係好適合舉辦各種場合。午市套餐嘅沙律同甜品都好正！佢哋嘅沙律份量十足，新鮮蔬菜同埋多款配料，組合得好均衡。今日嘅餐湯係紅菜頭瘡，超級好飲！至於甜品，希臘嘅甜品雪糕布甸真係一個獨特嘅選擇。呢個甜品結合咗雪糕同埋布甸嘅元素，口感韌韌又滑順，真係好特別，絕對值得一試！呢間餐廳喺鬧市中真係一個非常之好嘅選擇。唔論係食物質素、服務定係環境氛圍，都令人滿意！