鐵牛台灣牛肉麵 (旺角中心第一座) (Closed)

呢間鐵牛位於旺角嘅地舖，算係旺角中嘅少少寧靜，唔會見到好多車同人經過。環境幾有特色，但大部分位都比較窄。餐牌設計具特色。今日試咗好多之前冇食過嘅嘢。叫咗一個黃金梅子脆薯，梅粉就夠多啦，但係個脆薯啲肉太厚，食落去覺得好粉好重。味道係okay嘅，但口感就一般。至於麻辣牛筋腩麵呢，麻辣汁夠濃，但又唔會太辣，啱哂我呢啲中意食又唔食得太辣嘅人，好惹味！牛筋腩啲筋腩分明，又炆得夠淋，入哂麻辣汁嘅味，正！ 面底同一般牛肉面一樣，爽口彈牙，粗幼適中。另一個主食叫咗湖燒雞腿排便當。雞腿排嘅汁係特色嘅醬油，雞腿排煎過增加口感，味道唔錯嘅，略嫌肉有點過熟。魯肉煮得入味，肉亦有肥有瘦，用來撈飯份量亦啱啱好。其他小菜味道亦佳！嘢飲叫左一杯凍綠茶，一杯熱珍珠奶茶。兩杯都正常，係應有嘅水準。肉燥小茄子就係最有驚喜！茄子溝埋台式肉碎十分惹味，茄子肉夠厚夠淋又索汁，加埋肉碎一齊食，別有風味！埋單一人$120左右，食到好飽呢！