Video
Read full review
2019-04-20
660 views
2019年4月9日 星期二今晚約左女朋友同世伯伯母一齊食飯，原本只係我地兩個撐枱腳，不過去到油麻地發現世伯伯母都係果頭，於是就約埋一齊食飯揀左一間西餐廳黎食，係地舖黎，一去到就見到，幾方便裡面唔算太多位，不過好光猛，有時尚風格餐牌上面都算多選擇，仲有我最鐘意既all day breakfast添！！最後我地點左4個菜一齊share黎食首先到既係我點既all day breakfast，成個碟都放滿晒唔同既配料，有好新鮮既菜同燒蕃茄，上面仲淋上少少醋，好開胃。煎太陽蛋既蛋黃一切落去係流心既，d蛋黃撈埋個包一齊食好夾，既食到蛋黃既味又食到包既鬆化。其中我最愛既係薯餅，熱辣辣一咬落去係脆卜卜，明知係好邪惡但又忍唔住不停食之後係什錦海鮮香菇意大利飯，意大利飯上面有大大隻海蝦，有彈牙得黎裡面既蝦肉都入晒味，而青口食落去無異味，容易開殻。最估唔到係竟然有吞拿魚，仲要係厚切加火燒，出面係燒到轉左色，但裡面仲係粉紅色既，所以食落去好似火炙吞拿魚咁，入口即融德國鹹豬手配薯角，隻豬手一上菜既時候真係嚇左一跳，因為勁大隻，我地即刻拎相機出黎影相，店員係我地影完相之後幫我地切開細細舊，等我地唔洗食得咁麻煩，好
今晚約左女朋友同世伯伯母一齊食飯，原本只係我地兩個撐枱腳，不過去到油麻地發現世伯伯母都係果頭，於是就約埋一齊食飯
揀左一間西餐廳黎食，係地舖黎，一去到就見到，幾方便
裡面唔算太多位，不過好光猛，有時尚風格
餐牌上面都算多選擇，仲有我最鐘意既all day breakfast添！！最後我地點左4個菜一齊share黎食
All day breakfast
$88
25 views
0 likes
0 comments
首先到既係我點既all day breakfast，成個碟都放滿晒唔同既配料，有好新鮮既菜同燒蕃茄，上面仲淋上少少醋，好開胃。煎太陽蛋既蛋黃一切落去係流心既，d蛋黃撈埋個包一齊食好夾，既食到蛋黃既味又食到包既鬆化。其中我最愛既係薯餅，熱辣辣一咬落去係脆卜卜，明知係好邪惡但又忍唔住不停食
什錦海鮮香菇意大利飯
$148
20 views
1 likes
0 comments
之後係什錦海鮮香菇意大利飯，意大利飯上面有大大隻海蝦，有彈牙得黎裡面既蝦肉都入晒味，而青口食落去無異味，容易開殻。最估唔到係竟然有吞拿魚，仲要係厚切加火燒，出面係燒到轉左色，但裡面仲係粉紅色既，所以食落去好似火炙吞拿魚咁，入口即融
德國鹹豬手
17 views
0 likes
0 comments
德國鹹豬手配薯角，隻豬手一上菜既時候真係嚇左一跳，因為勁大隻，我地即刻拎相機出黎影相，店員係我地影完相之後幫我地切開細細舊，等我地唔洗食得咁麻煩，好貼心。豬手既外皮炸得好脆，而裡面又好夠鹹香味，正好就要食返d薯角中和返，如果有埋酸菜一齊食就更加好了
麻醬挪威三文魚蕃茄闊條麵
$128
22 views
1 likes
0 comments
最後係麻醬挪威三文魚蕃茄扁意粉，上面有一塊大既三文魚，分為四個人岩岩好夠食。以為只係普通既蕃茄意粉，因為睇落好似無乜特別，但原來食落有少少麻醬味，無諗過同蕃茄又出奇地配合，甜甜酸酸咁愈食愈開胃。
總結黎講呢一餐感覺唔錯，下一次可以嘗試其他菜式。
Post
