港青咖啡座

Open Now

Now Closed

尖沙咀成日食嘢都好難搵位，難得諗起呢度就黎食返個午飯。佢一至日都有自助salad bar，連餐飲$98加一，唔夠食叫埋主菜就會貴d，但我就咁食沙律都OK。沙律選擇唔算多，有炒雜菇、茄子翠玉瓜、雞柳沙律、凍螺絲粉等等。茄子夠稔，雞柳沙律有驚喜，味道清新，沙律菜算新鮮，醬汁都有幾款唔同嘅可以揀，有一種非常酸，橄欖油、花生碎、牛油、巴馬臣芝士碎等任落～是日餐湯係南瓜湯，我嫌甜左少少，但配埋麵包就可以中和番。呢度服務有一個問題，就係侍應未必睇得晒咁多張枱，反應較慢，隔離枱叫咗三次先埋到單，如果嗌到個侍應過嚟個態度係OK嘅，但有時會冇人理你。