富士山 (Closed)

好多日本居酒屋🏮都會將自己裝潢到好日本🇯🇵風格，但有好多都只係左抄抄右抄抄，只係得個外表似，內裏卻不是那回事，但今次黎既呢間日本居酒屋🍶，不論內外，都比你感覺到好地道既日本居酒屋。今次黎到試左幾款熱賣之選‼️，松葉蟹甲海鮮丼🦀，漁夫火炙丼再加埋日式炸雞翼。睇落好似好普通，但食落絕對唔普通。先講講個松葉蟹甲海鮮丼，佢上面個蟹肉蟹膏甲羅燒絕對係水準之作，佢呢個🦀蟹肉蟹膏甲羅燒仲可以單叫添，蟹肉加蟹膏再加蟹籽，超級重蟹既鮮味，用料極之新鮮，淨係呢個已經好正，再加埋有三文魚，吞拿魚等等既丼飯，以呢個價錢，應該無乜邊間可以媲美。再黎個漁夫火炙丼，佢入面用既😋鰻魚同帶子好新鮮，條鰻魚好厚身，燒得好靚，夾埋帶子食會有種好新鮮既感覺，整體好有水準。而個日式炸雞翼🍗絕對係必食之選，佢既炸法唔同出面，食粉多過食肉。而佢炸到好酥脆，比普通食開既雞翼好食百倍，佢地既雞翼係會令人好想再食。整體來講，呢間係一間好有水準同埋各方面既質素都高於其他日式居酒屋，同埋重點係以呢個價錢食到呢種質素，絕對要經常去啦！