スーパー丼 (駱克道) (Closed)

丼飯一直係港人至愛。想食有質素價錢又合理嘅我覺得呢間「 スーパー丼 」都唔錯。記得初初幫襯時只有銅鑼灣店，而家佢哋喺大埔及佐敦都有分店喇。相隔咗一段時間再去幫襯スーパー丼，發覺餐牌上添加咗好多款色嘅丼同埋小食。難怪而家佢哋個餐牌成本書咁厚😂▫️松葉蟹肉和牛丼 (HKD128)▫️海膽和牛丼 (HKD168) 雖然以上兩款丼都係以和牛做主角，但各有各嘅特色，仲要係店家人氣丼呢。「海膽和牛丼」呢個丼飯應該俾海膽搶咗鏡😂 價錢$200都唔洗，俾高質海膽你食仲想點😂😂「松葉蟹肉和牛丼」有一定份量嘅松葉蟹肉同埋蟹籽，實物跟餐牌圖片上嘅差唔多，冇照騙啊🤣 蟹肉都幾鮮甜，撈飯食幾正。肩板腱和牛鋪滿喺啲米飯上面，淋上少少燒汁，熟度係五成，如果想改生熟程度嘅話落單時同店員講聲就可以。和牛肉質軟嫩但肉汁唔夠。整體嚟講呢兩個丼飯CP值算高。▫️唐揚魷魚鬚 (HKD38) - 魷魚鬚變咗魷魚圈🤣不過唔緊要，最緊要係新鮮炸起又好味😋 唔係炸漿勁厚魷魚圈好幼嗰隻。$38一份以為只係得幾件，點知原來有咁多件㗎😱。其他我想食嘅人氣小食例如明太子雞翼、芝士年糕等唯有等下次喇😋😋