Day and Nite by Master Kama (Closed)

在旺角搵野食真係好多選擇，但要精心挑選先可以搵到好野食，今日我就做足功課，問埋朋友介紹呢間餐廳俾我。吉列牛排配忌廉咖哩烏冬($128)首先是咖哩烏冬十分濃郁既味道，但是加上雪白既忌廉混和在一起之後卻產生左特別既效果，中和左咖哩既少少辣味令到咖哩濃郁而平和既味道。另外吉列牛排真是十分出色，外面的一層粉好薄，另外最重要的是火喉控制得十分好，牛排雖厚，但是仍然保持到牛肉既嫩滑感覺，牛味也十分濃郁，配合上烏冬真係絕佳既配搭。龍蝦芝士MAC N CHEESE($208)濃濃既芝士真係太邪惡啦，仲有大大粒滿佈係長通粉之間既龍蝦球粒令到口水直流。芝士份量好多，一夾長通粉就有長長既芝士絲拉到出黎，另外龍蝦球除左大大粒之外，還有一個龍蝦鉗係到，真係落重料，龍蝦味同芝士味真係好配合，濃濃既味道令人食不停手，好難停落黎。