寶泰船麵 (Closed)

🇹🇭🍜🥢鬧市中的船麵小店🔔QR code 點餐，上菜快✅船麵牛丸 -$68麵底可以揀金邊粉 /鴨蛋麵/ 米粉，我揀咗少食啲嘅鴨蛋麵，口感顏色同雲吞麵差唔多，但係冇咁彈牙。牛丸有五粒，每粒都有界花，都幾入味，亦有牛味。配料仲有唔少脆口嘅炸豬皮、芫荽、芽菜、九層塔，同埋切粒嘅通菜增加口感同風味。至於湯底都好好味，唔會過鹹，但都濃味，有種令人回味嘅感覺，想飲晒佢。麵嘅份量唔算好多，男仔食可能唔夠飽要加底。船麵可以單點亦都可以叫套餐，套餐會包一份小食同埋汽水。免加一。