White Hse. (Closed)

星期日約咗好姊妹食lunch，佢好鍾意花花所以就去咗呢間餐廳，一到步入到去好似入咗愛麗絲嘅夢遊世界咁🐇 餐廳好多位都適合打卡，特別係近窗邊同靠牆嘅位置佈置得好靚，一打開本花花餐牌見到有好多款唔同嘅主食，睇得出每款由個名到賣相都用咗唔少心思設計。招牌菜式～紫醉金迷 （$178），呢個菜式係用新鮮紫椰菜打碎同忌廉一齊煮嘅意大利飯配上清酒青口同香草蒜蓉烤大蝦，大蝦大大隻鋪滿芝士再喺上面鋪滿金箔，一上檯簡直係視覺嘅享受，打卡滿分，紫椰菜主要係調色，意大利飯每啖食落都充滿香濃嘅忌廉味。二重奏忌廉煙肉芝士貓耳朵 （$118），一上枱已經聞到好香濃嘅芝士味，厚厚嘅半溶芝士做到拉絲嘅效果，貓耳朵口感煙韌而且掛汁，同忌廉煙肉汁係好完美嘅配搭。飲品-White Hse Cookie Cup ，又係打卡精選，招牌小熊杯好可愛，因為杯身係曲奇製造，記得要兩隻手揸住飲，飲完牛奶就可以食埋隻杯做甜品，咬左朋友隻「杯」一喺，味道不錯😆。玫瑰花釀紅茶，味道好清新，望住四周圍嘅花海再飲啖玫瑰花茶，視覺同味覺雙重享受。整體嚟講呢間餐廳好適合鍾意影靚相打卡嘅姊妹們，悠閒嘅假期同好姊妹去花花世界走一趟也不錯！