Seafood Stand (Closed)

鐘意食既小妹都係尖沙咀打滾多時 但相對而言就比較少係尖東一帶搵食 早排過開果邊聽seminar 就周圍遊下睇有咩岩食可能係遊客+酒店區既關係 行黎行去都係一d酒吧扒房 消費亦相對高昂 而長期糧尾既小妹我只想同同事食個平靚正既"快餐"惶天不負有心人 行行下終於見到間之前睇openrice見過既burger店太好了小店舖面唔大 但四圍都係好sharp醒既鮮黃色木板 令人精神為之一振 食慾大增識飲一定飲呢個牌子既無添加冷壓果汁 好飲又有益(另外雖然唔係酒吧 但想飲酒 呢度都有得飲 )點左一個安格斯牛肉burger同埋烤蘋果醬黑毛豬漢堡安格斯burger 多肉汁夠juicy而推介既烤蘋果醬黑毛豬漢堡味道好特別 連小胖男友都話有驚喜水牛城雞翼唔算好辣 脆得黎唔會好漏不得不提個藍芝士醬真係極品 連唔太鐘愛西芹既小妹我都情不自禁食左好幾條