Urban Coffee Roaster (裕民坊) (Closed)

📍Urban Coffee Roaster 喺觀塘鬧市入面想搵一片靜土chill下抖下氣，對咖啡又有啲要求既話，呢到就啱哂你喇～👅二人餐 $499套餐包括左沙津/湯任選兩款，我地揀左兩個湯，椰菜花香草忌廉湯，飲落去都幾綿，質感好厚好creamy兩款小食我地就揀左自家製明太子薯蓉球配錦羊芝士同埋阿根廷生紅蝦牛油果他他多士。薯蓉球幾香脆，食落去唔會太油膩。至於牛油果他他多士，我個人認為都幾好食，生紅蝦食落去好甜，牛油果他他多士超級香脆，我都幾推薦呢一個小食。至於主菜我哋揀咗卡邦尼煙豬腩意粉同埋伯爵茶慢燴安格斯牛面頰意粉。要是一間餐廳好唔好食，我通常都會試吓佢嘅卡邦尼意粉，呢一個意粉嘅口感都幾好，醬汁方面，如果好追求濃厚creamy既話，呢一個卡邦尼意粉就啱晒你啦～至於伯爵茶安格斯牛面頰意粉，雖然唔係話好重伯爵茶嘅味道，但係都幾欣賞佢嘅安格斯牛面頰可以咁腍😳甜品就係雲呢拿士多啤梨批，呢個幾好食，同朋友兩個人share就啱啱好。最後飲品就係一杯熱嘅抹茶拿鐵同埋一杯熱嘅Mocha，抹茶拿鐵奶泡好厚，mocha既咖啡同埋朱古力味比例幾好，亦都唔會太甜。