和牛燒肉一郎 (寶漢大廈) (Closed)

呢間燒肉店餐廳環境舒適，有自助沙律區，凍飲專區，各式各樣嘅雪條，任食包括明治雪條 ，井川屋雪條等等另外仲有熱飲區域，有勁多款唔同嘅茶包，另外套餐燒和牛嘅款式都幾多樣化，包括：和牛里脊肉，和牛牛筋肉，牛肉眼，和牛牛肉角切。特別推介和牛里脊肉同和牛肉眼，牛味重啲肉質好正。仲可以叫唔同嘅醬汁黎點燒肉食，今次特別order左一款蔥味醬汁，呢款醬汁超香。而另外壽喜燒配和牛真係好夾。蔬菜類方面，菠蘿翠玉瓜同埋 香菇系列 都係首選推介呀海鮮類方面，海蝦都幾唔錯，而魷魚原條上。成個爐咁大隻去燒， 加啲黑椒同鹽落去燒非常之惹味可口。呢間舖頭都唔錯，油煙味唔會太重，而且用餐環境都大，侍應又幾Nice會教埋你點樣燒肉。牛肉款式勁多最好係有黑毛和牛款，性價比都唔錯，下次再約屋企人嚟食先。