Video
Read full review
2016-01-07
1256 views
鬧市淨土 少油健康美味素食 今日因公事到尖沙咀，呢區食肆喺租金壓力下，每逢12點集體放飯，必定人多位少招呼差，見到有間樓上鋪，而且賣素食，心諗順便清清腸胃食番餐素，今日就喺度食午餐。 上到樓上，得一兩枱客，裝修比較舊，勝在光猛乾淨，座位闊落又唔使等位。坐低即刻有壺茶飲，仲要免茶位，侍應姐姐擺低個午餐牌，見到啲午餐都不過係$40包埋碗湯，非常抵食。所以都無謂睇其他餐牌，就一於叫午餐啦。 薑茸腿粒炒飯$40飯粒炒得乾爽俐落，顆粒分明，飯不油膩，可見係即叫即炒，而且師傅炒功一流。素腿粒炒完好香口，味道幾可亂真，薑味特出均勻，呢個飯係我幫襯咁多間素食館中最有水準嘅炒飯，雖然係午餐，亦無將貨就價，馬虎對待。 香椿菜煎蛋角配白飯$40好似白飯魚煎蛋嘅做法，椿菜切得細碎，一來毋須大力咀嚼，令煎蛋更滑溜，二來切碎後椿菜味更突出，食落清新，同樣師傅煎蛋嘅油分控制得宜，蛋身無多餘油脂，啱晒想修身及追求健康人仕。例湯以豆類為主，配以少量瓜類，味道清淡，但不甜味。以往一啲技術欠佳嘅素食店，有時為咗令齋菜保持嫩綠，唯有用過量食油烹調，致令人食完成口油，口感唔
鬧市淨土 少油健康美味素食
今日因公事到尖沙咀，呢區食肆喺租金壓力下，每逢12點集體放飯，必定人多位少招呼差，見到有間樓上鋪，而且賣素食，心諗順便清清腸胃食番餐素，今日就喺度食午餐。
上到樓上，得一兩枱客，裝修比較舊，勝在光猛乾淨，座位闊落又唔使等位。坐低即刻有壺茶飲，仲要免茶位，侍應姐姐擺低個午餐牌，見到啲午餐都不過係$40包埋碗湯，非常抵食。所以都無謂睇其他餐牌，就一於叫午餐啦。
薑茸腿粒炒飯
$40
61 views
0 likes
0 comments
薑茸腿粒炒飯$40
飯粒炒得乾爽俐落，顆粒分明，飯不油膩，可見係即叫即炒，而且師傅炒功一流。素腿粒炒完好香口，味道幾可亂真，薑味特出均勻，呢個飯係我幫襯咁多間素食館中最有水準嘅炒飯，雖然係午餐，亦無將貨就價，馬虎對待。
香椿菜煎蛋角
$40
64 views
0 likes
0 comments
香椿菜煎蛋角配白飯$40
好似白飯魚煎蛋嘅做法，椿菜切得細碎，一來毋須大力咀嚼，令煎蛋更滑溜，二來切碎後椿菜味更突出，食落清新，同樣師傅煎蛋嘅油分控制得宜，蛋身無多餘油脂，啱晒想修身及追求健康人仕。
例湯以豆類為主，配以少量瓜類，味道清淡，但不甜味。
以往一啲技術欠佳嘅素食店，有時為咗令齋菜保持嫩綠，唯有用過量食油烹調，致令人食完成口油，口感唔好之餘仲有損健康。所以好開心搵致到呢間少油素食店。
Post
