Potluck Eatery

放工同朋友聚一聚，揀咗公司附近呢間新開無耐嘅西餐廳，門面望落非常精緻，店內空間亦非常寬敞舒適。點餐後店員為我哋送上忌廉洋蔥湯同蒜茸法包，忌廉洋蔥湯非常creamy ，入口係清甜嘅洋蔥味，忌廉比例亦啱啱好，值得一讚。蒜蓉法包烤得香脆，蒜蓉味道香濃，非常開胃。薯條份量超級多，而且偏粗少少，入口香脆，配上明太子蛋黃醬同茄汁，減低膩滯感。芝士明太子蒜蓉法包即叫即整，面頭佈滿明太子醬同芝士，烤到金黃香脆，香濃惹味。黑毛豬無花果薄餅係我嘅最愛，齋講賣相已經惹人喜愛，微鹹嘅西班牙黑毛豬配上清甜嘅新鮮無花果係完美組合，加上拉絲芝士同薄脆嘅餅底，口感同味道都一流。雜菌意大利飯入口有香濃嘅黑松露味，醬汁creamy之餘飯粒唔會太腍，保留口感，而且每啖都有雜菌令口感更豐富，非常足料。蜂蜜慕絲蛋糕好有驚喜，賣相精緻，入口係淡淡嘅蜂蜜味，慕絲口感輕盈軟滑，配上鬆軟嘅朱古力海綿蛋糕，非常合襯。飲品方面除咗一般嘅咖啡同茶之外，仲有幾款自家特飲。薑茅冰搖薑味唔算好重，帶有淡淡嘅綠茶味，甜度適中，口感清新。餐廳無論係環境、食物同店員嘅服務都非常好，特別係寬敞簡約嘅裝潢，有種鬧市小綠洲嘅感覺，令人感覺格外放鬆，好適合朋友