火鍋本色 (Closed)

踏入11月，天氣涼涼地，happy Friday梗係要約埋一班熊貓朋友烚吓烚吓。總共六個人，想搵個地方坐得舒服啲，朋友推介呢一間火鍋本色，因為預先book枱，所以安排左坐房，雖然間房要同另一台人share，但係都可以有一個比較private嘅地方傾吓計。湯底我地叫左番茄花甲蟹鍋。鍋底嘅蕃茄味好濃，再加埋有花甲同埋蟹嘅鮮甜，一黎就飲左碗湯先。我哋叫左兩款響鈴，普通響鈴同埋紫菜響鈴。佢哋係用黎自樹記嘅腐竹，又真係同平時食嘅腐竹有分別特別推介油炸鬼蝦滑，好特別既口感！另外要推介嘅係手工丸子同餃子🥟值得一提嘅係佢嘅丸子係可以雙併嘅，芝士蝦丸，麻辣牛肉丸，黑松露豬肉餃，手工蝦滑同埋墨魚滑都好好食！打邊爐當然唔少得牛肉啦，手切牛肉順住紋理去切，食落有口感！打完邊爐仲有甜品送添，係維記嘅雪米磁啊！雖然呢一度價錢並唔便宜，每人食左約$400，但環境，食物，服務都值回票價！