日日見川粵火鍋店 (Closed)

朋友帶路打邊爐，如果好似我咁唔鐘意去深圳玩，呢間應該都似大陸個種火鍋。兩個人揀左個普通套餐（佢真係叫普通套餐），湯底要左麻辣拼蕃茄。麻辣個樣好有架勢，但辣度大約小辣，用黎淥牛肉都唔會蓋曬肉味。🍣三文魚刺身有五大片，夠曬肥美，係有驚喜嘅🥩雪花牛肉雖然寫細，但份量都有10幾片。油脂適中，灼完頗有口感。🦐蟶子王洗得夠乾淨，又夠新鮮，鮮甜度就一般，可能蕃茄湯太濃味。🥟水餃王餡料足，木耳爽口，煮耐左都唔會甩皮。另外仲有兜生菜，兩個人食都夠飽 。幾特別係有個live stage，不過當日就無歌手，如果有人唱下歌成個感覺應該又再chill啲。