大吉居酒屋 (Closed)

好姊妹生日，選擇了食佢最喜愛嘅放題。為咗就佢放工方便，所以選擇了中環這地點。大吉居酒屋已經喺中環開咗好多年，曾經聽過同事介紹為好評，所以今次去試吓。食物選擇都多，飲品選舉更豐富。我們至愛佢嘅刺身。刺身好新鮮，尤其是甜蝦，好大隻，我們encore了很多次。非食不可。燒雞翼、京燒比目魚、卷物，都係好好嘅選擇。飲品種類好多，幫助消化嘅益力多都有。本人好喜歡薑，試咗佢一個罐裝黑糖薑茶，好好飲。甜品種類都好多，雪糕方面有 Haagen Dazs 同 Movenpick，仲有百福豆腐花添。