Video
Read full review
2019-01-06
130 views
四人行一齊去醫肚，之前見到呢間新開嘅冰室好多人排隊等食飯，我哋就趁着黃昏時間唔使排隊提早食飯，就去試一試。餐廳的位置空間頗大而且寬敞，更附設有卡位、梳化位置等座位選擇，環境感覺舒適。小朋友最開心見到餐牌上有兒童餐，兒童餐上有一架車仔，裝住一些食物，即刻吸引我嘅寶貝要求我為他order。果然兒童餐係用一架紅色的車仔裝住幾款食物，當中包括粟米粒、肉醬意粉、雞翼、薯格同埋煙肉卷等，每一款食物份量少但種類多，我嘅寶貝唔夠10分鐘就食晒，可見兒童餐吸引小朋友。兒童餐還附送橙汁和甜品，難怪我的寶貝食完後非常滿足。我們三個大人都不約而同地各叫了幾款食物一齊Share。當中最欣賞就係金記生炸雞髀配沙律🥗，賣相吸引，雞髀和沙律分開兩邊盛載，雞髀炸到金黃色，食落去外皮香脆可口，而且雞肉肉質滑嫩，好鬼滋味！最後唔夠喉，我哋還encore了一份！另外金牌乾炒牛河即叫即炒，好有鑊氣！另外還Order了鐵板香煎雞扒薯菜配黑椒汁等，太多食物，不能盡錄，同樣地非常美味！估唔到我哋四個人食咗咁多野，不過最後埋單都只係$600有找，平均消費一人$150就可以食到咁豐富、而且即叫即做、好有鑊氣嘅食物，難怪一開張已經咁多人排
餐廳的位置空間頗大而且寬敞，更附設有卡位、梳化位置等座位選擇，環境感覺舒適。
小朋友最開心見到餐牌上有兒童餐，兒童餐上有一架車仔，裝住一些食物，即刻吸引我嘅寶貝要求我為他order。
果然兒童餐係用一架紅色的車仔裝住幾款食物，當中包括粟米粒、肉醬意粉、雞翼、薯格同埋煙肉卷等，每一款食物份量少但種類多，我嘅寶貝唔夠10分鐘就食晒，可見兒童餐吸引小朋友。
兒童餐還附送橙汁和甜品，難怪我的寶貝食完後非常滿足。
我們三個大人都不約而同地各叫了幾款食物一齊Share。
當中最欣賞就係金記生炸雞髀配沙律🥗，賣相吸引，雞髀和沙律分開兩邊盛載，雞髀炸到金黃色，食落去外皮香脆可口，而且雞肉肉質滑嫩，好鬼滋味！最後唔夠喉，我哋還encore了一份！
另外金牌乾炒牛河即叫即炒，好有鑊氣！
另外還Order了鐵板香煎雞扒薯菜配黑椒汁等，太多食物，不能盡錄，同樣地非常美味！
估唔到我哋四個人食咗咁多野，不過最後埋單都只係$600有找，平均消費一人$150就可以食到咁豐富、而且即叫即做、好有鑊氣嘅食物，難怪一開張已經咁多人排隊等位食飯！
Post
