九頭鳥米線 (勝意大廈)

Open Now

Now Closed

慕名已久嘅九頭鳥米線，今日終於試到啦！店內裝潢簡潔明亮，乾淨企理。平時下午6點幾，人流不多。用QR code落單，方便快捷。叫左魚肉春卷，雞肉，雲南三小辣薯粉，小食香辣墨魚頭，凍檸蜜。一上枱先飲啖湯，酸辣非常出色，酸度剛剛好，三小啱哂食開BB辣嘅我，湯底仲有花生，莞茜，芽菜，韮菜，口感好豐富。魚肉魚卷有3條，類似南記春卷但比南記脆身，外脆內軟。如果叫一餸，會俾足5條春卷添，非常豪氣！雞肉係雞脾肉，唔錯。香辣墨魚頭嘅麻辣汁好香，墨魚頭爽甜，勁正！配上凍檸蜜，解渴又解辣，絕配！結論係九頭鳥真係好好味，譚仔係冇得比。