Video
Read full review
2010-09-16
8 views
今日特登過海去大坑, 試下呢期d hit 野, 達磨拉面~等人等左半粒鐘, 已經餓到暈, 點知去到仲要等半粒鐘~眼見其他遲過我地黎既人都入哂去, 真係唔知點解, 可能又係serve 哂二人枱先~~下次去街食飯真係兩個人算~入到去, 原來間野勁細, 全場得兩張長枱, 可以坐到16個人度, 我地三個坐埋一邊，要對住兩個陌生既人食飯, 又無得挨, 真係唔係幾舒服~好快手咁揀左三個麵, 三個小食~第一個, 豚角煮豚骨 (辣味)呢個辣味幾適中，d辣油幾香~但食到成口油~第二個一品豚骨個湯底好濃, 好大陣豬騷味, 我唔係好頂得順, 放棄左無食第三個叉燒豚骨醬油因為有醬油中和, 無第二個咁濃豬味, 但亦唔夠第一個辣味咁野味~三碗既麵質都算滑(個湯底咁多油, 實滑啦), 但嫌彈性不足, 唔夠彈牙~豚肉以角煮最有味道同質感, 食到豬肉的質感 反之叉燒味道無角煮咁濃郁~質感亦無厚切咁出~D 麵要成碗食, 有D油係面保溫先好食, 我用個碗仔夾開黎試, 就會好快凍, 味道又會差D另外叫左個溫泉蛋, @HK12, 但原來每碗面都已經有半隻, 蠢左。 但12蚊一隻蛋，竟然唔係日本蛋，有D失望。不過溏心做得唔錯,
等人等左半粒鐘, 已經餓到暈, 點知去到仲要等半粒鐘~
眼見其他遲過我地黎既人都入哂去, 真係唔知點解, 可能又係serve 哂二人枱先~~下次去街食飯真係兩個人算~
入到去, 原來間野勁細, 全場得兩張長枱, 可以坐到16個人度, 我地三個坐埋一邊，要對住兩個陌生既人食飯, 又無得挨, 真係唔係幾舒服~
好快手咁揀左三個麵, 三個小食~
第一個, 豚角煮豚骨 (辣味)
呢個辣味幾適中，d辣油幾香~但食到成口油~
第二個一品豚骨
個湯底好濃, 好大陣豬騷味, 我唔係好頂得順, 放棄左無食
第三個叉燒豚骨醬油
因為有醬油中和, 無第二個咁濃豬味, 但亦唔夠第一個辣味咁野味~
三碗既麵質都算滑(個湯底咁多油, 實滑啦), 但嫌彈性不足, 唔夠彈牙~
豚肉以角煮最有味道同質感, 食到豬肉的質感 反之叉燒味道無角煮咁濃郁~質感亦無厚切咁出~
D 麵要成碗食, 有D油係面保溫先好食, 我用個碗仔夾開黎試, 就會好快凍, 味道又會差D
另外叫左個溫泉蛋, @HK12, 但原來每碗面都已經有半隻, 蠢左。
但12蚊一隻蛋，竟然唔係日本蛋，有D失望。不過溏心做得唔錯, 似溫泉蛋~~
三個小食
日本年糕, 幾好味, 因為有練奶, 同埋都算幾軟熟~
五目飯團, 又干又硬又無味~ 覺得加D汁或加 多D紫菜會好少
菠菜雞翼, 菠菜無味，, 雞翼D肉無味, 所有味黎由面層既少少汁 , 但D汁真係幾少 , 建議不如佢另加少少汁係旁邊會好D
坐係我地對面個PAIR情侶, 早過我地入黎, 早過我地ORDER. 但係咁望住我地食, 佢地D野都未到~~俾人望住食, 唔好意思呢~~
食飽飯, 坐的士落到銅鑼灣, 個口已經勁渴~~應該落左唔少味之素~~
Post
