Video
Read full review
2011-07-17
768 views
陣容鼎盛的一夜, 連一位稀客都到場; 9大4小1B都只係 $940, 你話抵唔抵!! 不過都要睇吓食咗嘜, 同好唔好食先下決定都正常!!!為大人而下單的無益食物韭菜豬紅 = 味道一般, 但 $25都有咁大碗; 都算好抵!南乳豬手 = 唔係好多覺有南乳味, 豬手又唔夠淋。鹵水鵝片 = 鵝片嫩滑而且唔算多肥膏, 鹵水汁入味OK!酥炸大腸 = 炸得很香口, 但其中一個老朋友略厭大腸欠肥美!豉椒鱔片 = 豉椒味唔多覺。豉椒炒蜆 = 辣味蓋唔過蜆D鮮味; 而且蜆仲好彈牙; 炒得夠火喉!為小朋友而下單的喜愛食物墨魚拼紅腸 = 墨魚片爽口, 而紅腸是小朋友之選。白飯魚煎蛋 = 講真蛋最多只有用4隻煎, 白飯魚最多只有小毛10數條; 咁都要 $55一碟, 都真係好貴且唔抵!!栗米班塊 = 栗米汁正是小朋友撈飯的至愛!!啫啫雞煲 = 下單是啫啫排骨煲, 但來時是啫啫雞煲; 已經吃了換不了。雞係無雞味而且雪藏味重; 所以我只吃了一件!!時菜牛肉 = 時菜今日是菜心, 牛肉同菜心正是絕配; 而且炒法只是用最簡單的配料…豉油; 就已經炒得好入味!!芥膽靚肥雞 = 咁大隻雞, 但雞肉倘算嫩滑, 而且好似有D咸
不過都要睇吓食咗嘜, 同好唔好食先下決定都正常!!!
為大人而下單的無益食物
韭菜豬紅 = 味道一般, 但 $25都有咁大碗; 都算好抵!
南乳豬手 = 唔係好多覺有南乳味, 豬手又唔夠淋。
鹵水鵝片 = 鵝片嫩滑而且唔算多肥膏, 鹵水汁入味OK!
酥炸大腸 = 炸得很香口, 但其中一個老朋友略厭大腸欠肥美!
豉椒鱔片 = 豉椒味唔多覺。
豉椒炒蜆 = 辣味蓋唔過蜆D鮮味; 而且蜆仲好彈牙; 炒得夠火喉!
為小朋友而下單的喜愛食物
墨魚拼紅腸 = 墨魚片爽口, 而紅腸是小朋友之選。
白飯魚煎蛋 = 講真蛋最多只有用4隻煎, 白飯魚最多只有小毛10數條;
咁都要 $55一碟, 都真係好貴且唔抵!!
栗米班塊 = 栗米汁正是小朋友撈飯的至愛!!
啫啫雞煲 = 下單是啫啫排骨煲, 但來時是啫啫雞煲; 已經吃了換不了。
雞係無雞味而且雪藏味重; 所以我只吃了一件!!
時菜牛肉 = 時菜今日是菜心, 牛肉同菜心正是絕配; 而且炒法只是用最簡單的配料…豉油; 就已經炒得好入味!!
芥膽靚肥雞 = 咁大隻雞, 但雞肉倘算嫩滑, 而且好似有D咸香味!!
揚州炒飯、西炒飯、潮州泡粥就一般。
今晚汽水啤酒是難免, 可能啊稀客响度; 啤酒都當真起碼叫咗10支以上
本來只係俾OK哩間食店, 點知其中一個老朋友話 “其實大家都食過, 佢(哩間食店) 係响樂富街市邊度邊度果間哩, 依家搬咗呢度!!”
原來以前响九龍仔公園或摩士公園跑完步、游完水、打完波後,
經常幫襯的大排檔……突然之間好有親切感…..加分加分加分…
Post
