Lockeroom Dining (譽發廣場) (Closed)

阿仙奴球迷必到！另一半熱愛足球，雖然佢無特別支持嘅隊伍，但足球主題都已經啱哂！環境係譽發廣場好易搵，一打開𨋢見到餐廳門口已經貼咗球星嘅牆紙，入到去每個角落都有足球嘢，連餐具都係球場/足球樣。餐牌有Dinner Set, 有單點，價錢合理。 鹹蛋黃雞翼(五件) $78隻隻都大大隻，鹹蛋黃舖滿雞翼表面，仲有沙沙口感，不過油分就高咗d。 西班牙黑毛豬黑醋意大利扁意粉 $138黑毛豬望落去好似叉燒咁，食落去都鬆軟，扁意粉彈牙，用黑醋調味酸酸甜甜好開胃。 Set : 炭烤美國1855牛肋排蜜糖燒肉汁  $188包括沙律、餐湯及蒜香牛油法包。沙律原瓶上，蒜香牛油法包好有home made嘅感覺。牛肋排有三大塊，薄切，牛肋排雖然係烤，但好鬆軟，刀身切落去好易切開，牛味都頗濃，好鍾意佢個醬汁，偏甜，配牛肋排幾夾。 荔枝薄荷梳打 set加$13 清新，仲帶荔枝甜味。總括而言，食物質素唔錯，味道偏甜少少啱我口味，平時成日覺得主題餐廳可能味道都麻麻地，但呢到嘅食物真係唔錯，阿仙奴波友真係必到。