阿媽正宗海南鷄 (Closed)

入得嚟menu唔需要睇，梗係嗌海南雞飯啦。嗌飯原來有熱滾滾嘅蔘雞湯 🤤 淡淡蔘味，零甘澀，好滋補，仲有兩件煲湯雞添 😋 好鮮味只係飲左幾啖湯，海南雞飯已經準備好。黃薑飯仲組成心形 💛 飯同雞都唔太熱，因為全部一早整好，所以可以咁快上碟。但雞用左黃油雞，皮薄嫩滑特別香雞味，全起骨，啖啖肉，唔怕比骨哽親。飯就更食出餐廳誠意同心機。黃薑飯陣陣香茅清香，仲加有黑蒜，食落更香 😋😋😋如果雞同飯上桌時熱度高啲，三款醬料自家製嘅話，相信呢碟飯會更好食，分分鐘可以賣貴一賠價錢 😱 我都係食多幾啖海南雞飯收聲先啦...