Video
Read full review
2023-08-24
48 views
阿媽話好掛住之前去馬來西亞旅行時啲街頭小食, 見到黃大仙現崇山間叫📍星怡📍， 主打星馬fusion 菜, 即刻訂位同佢食下。🍭加多加多沙律呢個係一個熟嘅蔬菜沙律, 阿媽至愛， 燙過嘅蔬菜冇菜腥味, 味道純粹，跟濃郁嘅加多加多花生淋醬好配，而且當中仲有爽脆沙葛, 有口感之餘仲好惹味。🍭檳城麥片豆腐係現崇山店嘅特色菜, 現叫現做, 啲豆腐炸到外酥內嫩, 再混入炒香咗嘅麥片同咖哩葉, 香脆可口之餘, 仲甜甜咸咸, 好配飯嫁!🍭馬來鮮蝦炒貴刁碟炒貴刁係今晚嘅大驚喜, 送嚟時巳聞到有焦香鍋氣, 用料好地道, 係深色醬油厚身闊貴刁, 唔係港式河粉, 煙韌有嚼頭, 仲有用咗似怡保嘅短小芽菜, 同脆豬油渣, 又香又爽脆, 簡直係神還原, 有响檳城街頭吃貴刁嘅感覺, 真正好食。🍭肉骨茶配飯湯㨂咗馬來版, 藥材味濃湯水色澤深, 好正宗。 啲豬排骨嫩滑唔柴, 湯頭濃醇, 好快就清哂啲湯. 下次要叫升級版大湯量, 唔好再同阿媽爭.
🍭加多加多沙律
呢個係一個熟嘅蔬菜沙律, 阿媽至愛， 燙過嘅蔬菜冇菜腥味, 味道純粹，跟濃郁嘅加多加多花生淋醬好配，而且當中仲有爽脆沙葛, 有口感之餘仲好惹味。
🍭檳城麥片豆腐
係現崇山店嘅特色菜, 現叫現做, 啲豆腐炸到外酥內嫩, 再混入炒香咗嘅麥片同咖哩葉, 香脆可口之餘, 仲甜甜咸咸, 好配飯嫁!
🍭馬來鮮蝦炒貴刁
碟炒貴刁係今晚嘅大驚喜, 送嚟時巳聞到有焦香鍋氣, 用料好地道, 係深色醬油厚身闊貴刁, 唔係港式河粉, 煙韌有嚼頭, 仲有用咗似怡保嘅短小芽菜, 同脆豬油渣, 又香又爽脆, 簡直係神還原, 有响檳城街頭吃貴刁嘅感覺, 真正好食。
🍭肉骨茶配飯
湯㨂咗馬來版, 藥材味濃湯水色澤深, 好正宗。 啲豬排骨嫩滑唔柴, 湯頭濃醇, 好快就清哂啲湯. 下次要叫升級版大湯量, 唔好再同阿媽爭.
Post
