桂花小幸 (將軍澳廣場)

Open Now

Now Closed

我哋一家三口，小朋友未夠3歲坐仲BB車。阿姐一黎就叫我哋同另一位客人搭枱。張枱仲要好細，我哋怕小朋友會影響到其他人。所以寧願等耐啲要卡位方便照顧小朋友。等左一陣終於有卡位俾我哋。帶住小朋友出街要帶一袋二袋野，係門口收左車嘅話又要攞住啲袋又要攞住架車仲要照顧小朋友都幾麻煩。咁我就諗住行到埋位放低啲嘢先收車啦。點知都未行到埋位，帶位嗰個帶眼鏡紮髻嘅阿姐就用好差嘅態度講，唔好將架車放係走廊度阻住我哋。嗰下已經覺得嘅間餐廳嘅服務好差。員工個個都黑口黑面好似啲客欠左佢哋咁。我哋叫左三盛紅燒牛肉麵，酥炸排骨滷肉飯，鹽酥花枝丸同2杯蜜桃紅茶。正準備食嘅時候，突然發現碗麵有條閃電毛！！阿姐話幫我換過碗新嘅，我點知佢哋煲野入面仲有冇毛。所以唔想要，我叫佢幫我取消左個麵，我另外叫其他食物。點知阿姐話唔可以取消，要我哋另外叫嘢食補返差價。真心好嬲。返到屋企仲要唔舒服係三個人都唔舒服，嘔完出嚟先好啲！食物嘅味道還好。但員工質素極差，衛生情況欠佳。點解可以有條閃電毛係食物入面？以後唔會再食呢間野！