韓國皇帝胡桃紅豆餅 (Closed)

由於工作關係，每個星期總有一天會到北角去。北角有好多食lunch ge地方，但我總喜歡到這間韓式小店買take away。筆者最喜歡柯打的是韓式紫菜包飯及韓式炒粉絲。頭號最愛 --- 韓式紫菜包飯2 條裝，餡料有韓式魚蛋，仲有啲綠色長身菜及其他餡料包成。米係肥身嘅珍珠米，無落調味嘅白飯。食紫菜包飯唔需要配醬料，因為餡料已經夠味，味道較清淡，女生應該會喜歡。第二最愛 --- 韓式炒粉絲午餐淨係食紫菜包飯唔夠飽嫁，所以我通常都會襯埋韓式炒粉絲食。阿豬媽嘅粉絲唔係平時我地食開幼身嗰啲，佢啲粉絲會粗身啲，大概比米線再粗啲。食嘅感覺唔熱氣，因為唔似真係炒，似撈多啲，條條分明，用韓式醬油mix，條條都上色/味好平均，配以紅蘿蔔絲及葱一齊好好味。阿豬媽賣嘅食物都係走街坊路線，但平心以論，價錢對街坊來說是挺貴的。