富嘉閣 (Closed)

平時去開附近另一間茶樓飲茶, 貪佢大件夾抵食, 但今日想坐得舒服少少就揀左呢間。兩個人叫左唔係好多野。呢個冬菇切肉燒賣皇真係比出面一般茶樓既燒賣好食, 食得出攪肉同切肉既分別, 仲好香冬菇味。XO醬炒腸粉, 小小辣好惹味, 仲有好多芽菜岩哂我口味。韭菜餃個皮幾煙韌, 餡料份量足, 煎得好香。 蛋撻仔就麻麻地喇, 個皮太厚身仲食到油益味。另外仲叫左呢個鮮奶梅菜饅頭, 貪佢夠特別, 味道都ok啦。整體來講價錢唔算平但環境不錯, 食物方面點心類比包點類較為出色, 下次會想試其他點心同小食。