弘 CHIRASHI (Closed)

前排好興既二段丼，今日終於食到，就係刺身丼升級版，由二層刺身飯組成，雙重份量，雙倍驚喜。而家仲有期間限定的薔薇二段丼，好華麗好豐富。另外點了極丼，有齊五款刺身。薔薇二段丼 $298，仲有醃菜及麵豉湯。好有氣勢，有二層的刺身飯。米飯調味恰倒好處，微酸醋飯很開胃又煙韌。上層有藍鰭吞拿魚及間八刺身魚，魚生片卷成玫瑰花形，華麗又美觀，淨講賣相已經夠哂吸引，還有三文魚籽、甜蛋碎及蔥花等點綴，真係錦上添花。呢款白身魚叫間八，即紅鰤魚，魚脂分佈平均，肥而不膩肉質細嫩爽口。藍鰭吞拿魚赤身，肉質爽而結實，魚味較淡。下層中間有醃八爪魚，酸酸地又爽口的八爪魚，正好中和一下肥美刺身的膩。下層還有三款食材，分別海膽魷魚、松葉蟹腳肉及蟹膏的刺身丼，店員細心提我地順序食。先食海膽魷魚，柔軟的魷魚很有咬感，配海膽的鮮甜濃郁味道，真係齒頰留香。再食松葉蟹腳肉，一絲絲蟹肉好鮮甜，最後食蟹膏，甘香咸鮮，而且可以伴勻蟹腳肉同食，味道同質感更提升不少。極丼 $178，同樣都有麵豉湯及醃菜，份量較細，但勝在刺身款多。海膽很大塊，味道甘鮮濃郁，軟滑即化。藍鰭吞拿魚拖羅肥美油潤，油甘魚爽中帶點脆，魚油也很豐富。 帶子嫩滑又大隻，牡丹