客家村 (Closed)

只有星期一至五下午6時至11時先營業既小店，主打客家擂茶湯圓，終於擇到日子黎試！叫左一份擂茶湯圓，招牌蝦籽炒麵，豬軟骨同客家圍頭仔粉，一共$97，咁多野食，都唔算貴！老闆話炒麵同豬軟骨都係即整，要等25分鐘。終於開餐，老闆教豬軟骨要後食，因為味道較濃，所以我地決定先食蝦籽麵，即炒，超野味，麵底係扁身啲既幼麵，炒得均渾入味，有啲似鼓油皇炒麵既味道但多左蝦籽既香味，實實在在係一碟蝦籽炒麵👍🏼再試客家圍頭粉仔，精華係上面嗰堆自家秘制菜保，可選辣，我呢碗係原味，菜保、蝦米等材料炒埋一齊，超香👍🏼到豬軟骨，炆得好林好入味，係個汁就咸左少少。第一次飲擂茶，茶葉加左芝麻花生磨成既香味，我覺得有少少綠茶香味，個質地啱啱好，唔會太'傑'，好少好少甜，唔溜，都幾好味，配上芝麻湯丸，但湯丸皮較林，好似溶左落個湯度咁。可改善下個湯丸。整體黎講，係一間好有心機既小店，希望會keep住有得食啦！