西香記 (Closed)

午餐想食個快飯，就入左呢間食陝西菜嘅小店。因為呢排生左粒飛滋，唔食得辣，所以就叫左麻醬涼皮。麻醬係好杰個種，食落去又有種獨特嘅鹹味同香料味。個人意見覺得可以再凍啲同埋彈牙啲，就更加好食。餐入面仲跟左肉夾饃，簡左牛肉做配料。啲牛肉孜然味好重，好香濃，但係個包有好似有少少太乾咁。最後講埋杯豆漿，一飲就知係店家自磨，少甜，仲飲到好多黃豆蓉嘅感覺，叫做幾有心機。