Bifteck (Closed)

上次新開張時都黎過Bifteck食晚餐，今次就試下weekday set lunch。set lunch 每位$248元起，價錢唔算平，不過有齊哂 4-course，感覺好豐富。雖然Bifteck係主打食牛既steak house，但都有其他海鮮選擇，前菜我揀左 +$48 日本紅蟹肉可樂餅配辣甘筍汁，炸得脆卜卜熱辣辣，真係有絲絲蟹肉，真材實料，配埋辣辣地既甘筍汁好惹味。餐湯係蕃茄牛肉湯，煮得夠火候，牛肉燉得入口即融。main 就揀左波士頓龍蝦帶子手打意粉配櫻花紫菜汁，呢款不需要另外加錢，手打意粉是自家制，所以不是平時食開的滑口意粉，而是粗糙帶有咬口，手工製意粉的成本和心機比現成意粉多，龍蝦已經切件，新鮮啖啖肉。最後甜品有yoghurt雪糕，酸酸地好清新，不會太有罪惡感。