Noodies (Closed)

 位於西營盤，正街附近有一間麵店，位置不算明顯，如果唔係有朋友住這裡，又如果唔係有玩具交收，都真係唔會到西營盤，更不到這間店。因為要走一段極斜的坡路。還擔心自已會沿斜坡滾下去。就是因為約朋友到一間麵店交收。餐廳是朋友挑，假如譚仔係我的食堂，係佢口中呢間係佢既補給站。因為從事設計工作，挑燈趕工已經是家常便飯，又因為是「偽毒男」，煮飯仔係佢字典中永遠唔存在 (佢班女性朋友天職嘛)。肚餓又有兩個錢就到這裡食麵。店名已經帶出主題，就是賣麵，店內雖小，但五臟俱全，唔單只可以食南洋風的麵，連日本豬骨麵、韓式泡菜麵都可以食到，只是冇香港的手打麵。餐廳以冬蔭公湯底和喇沙湯底招來，麵款有充滿東洋風味的昆布麵、有機喬麥麵、星馬米線到本地常見的米粉油麵提供，配料可自由配搭，簡單來說是亞洲版車仔麵。一坐下，朋友熟練地向一個四眼靚仔阿哥點了佢的冬蔭公湯底，加海帶麵，配手撕雞、芝士、糖心蛋、章魚餅。我就叫喇沙湯底，加得意米粉，配黑薯糕，日本腐皮，四眼阿哥向我們推介豬手，咁就點一個試一試。另加小食春卷。首先春卷先上，新鮮炸的春卷配甜酸汁，本來是定律。裡面包粉絲、甘荀跟菜。令人食後不覺口腔油膩。湯底來說，我比較喜歡冬