Video
Read full review
2018-07-07
979 views
星期日同老公行去銅鑼灣街街，無訂位就行上去。當晚餐廳滿座，店員提供bar枱俾我地，等我地可以望住師傅整串燒。餐廳裝潢好有日本風，店員加茶都密，用餐過程十分愉快。講返嘢食先~話曬主打，緊係要叫。秘製手羽先(中辣)($95/5隻)。希望愈大，失望愈大。雞翼本身已經細隻，仲要炸得太乾，全晚最差。唔食得辣嘅唔好叫中辣。牛舌($58一串)。香口煙韌，讚牛肋肉($68一串)。唔會太乾，重牛味但有少少筋明太子沙律雞肉棒串($52一串)。裡面有雞軟骨，脆卜卜有咬口，加埋明太子咸咸辣辣，好味八丁味噌黑豚肉串($148一碟)。店員話我地知味噌可以另上，隨自己鍾意加嘅份量。味噌甜甜地好好味，可以減低串炸油膩感。下次想試埋其他八丁味噌菜式~野菜天婦羅盛($98)。一大碟超豐富~炸麵線後面仲有幾舊架！有傳統嘅露筍，南瓜，冬菇，蕃薯，茄子，仲有芋頭，青瓜，青椒，舞茸菇。名古屋特製鰻魚飯($328)。鰻魚飯三食係名古屋名物，緊係要食啦～餐廳燒得魚肉香脆，白飯充滿醬汁。茶漬飯嘅湯好清甜，當湯飲都得。係成餐飯完美嘅句號。前菜係枝豆，免費嘅，但茶費就每位$20~總結係，香港少有打正名古屋旗號嘅居酒屋，值得一試再試~
餐廳裝潢好有日本風，店員加茶都密，用餐過程十分愉快。
講返嘢食先~話曬主打，緊係要叫。
秘製手羽先(中辣)($95/5隻)。希望愈大，失望愈大。雞翼本身已經細隻，仲要炸得太乾，全晚最差。唔食得辣嘅唔好叫中辣。
牛舌($58一串)。香口煙韌，讚
牛肋肉($68一串)。唔會太乾，重牛味但有少少筋
明太子沙律雞肉棒串($52一串)。裡面有雞軟骨，脆卜卜有咬口，加埋明太子咸咸辣辣，好味
八丁味噌黑豚肉串($148一碟)。店員話我地知味噌可以另上，隨自己鍾意加嘅份量。味噌甜甜地好好味，可以減低串炸油膩感。下次想試埋其他八丁味噌菜式~
野菜天婦羅盛($98)。一大碟超豐富~炸麵線後面仲有幾舊架！有傳統嘅露筍，南瓜，冬菇，蕃薯，茄子，仲有芋頭，青瓜，青椒，舞茸菇。
名古屋特製鰻魚飯($328)。鰻魚飯三食係名古屋名物，緊係要食啦～餐廳燒得魚肉香脆，白飯充滿醬汁。茶漬飯嘅湯好清甜，當湯飲都得。係成餐飯完美嘅句號。
前菜係枝豆，免費嘅，但茶費就每位$20~
總結係，香港少有打正名古屋旗號嘅居酒屋，值得一試再試~
Post
