紅豆烘焙 (西洋菜南街)

Open Now

Now Closed

紅豆烘焙之前都幫趁過幾次，之前都係買麵包，貪佢麵包款式多選擇，今次經過旺角西洋菜街新分店，先有留意佢原本甜品西餅都一樣好多款，而且賣相都餅仔唔似一般街坊餅店嘅貨色，所以就買黎試下。而家大熱嘅麵包布丁都幾款個口味。甜品杯有好多口味，木康布丁、Tiramisu、奶凍、焦糖燉蛋、雪果子......等等。切餅賣相好吸引，拍得住連鎖餅店，但價錢就平好多。麵包簡直花多眼亂，除左經典嘅腸仔包、菠蘿包、雞尾包之外，仲有好多新派麵包。揀左三款試下，全部都未食過。法式麵包布丁($15) - 布丁麵包買嗰時仲係暖嘅，不過如果唔係即場食，我會之後烘返熱佢。雖然用羹畢時會覺得有少少實，但入口其實OK，唔會覺得實的的，蛋味都幾香，再夾埋脆脆地嘅麵包都唔錯。提拉米蘇($20) - Tiramisu朱古力味都OK，咖啡味唔會過重，Cream比蛋糕多，食落好滑。特濃朱古力切餅($18) - 朱古力切餅好濃朱味，但又唔會太乾，朱迷一定收貨。