金鶴拉麵 (九龍城道) (Closed)

今日收工過黎食番個好食既拉麵。✨雞白湯拉麵 : 個雞湯好creamy,炸牛旁薄薄的好香。慢煮雞肉肉質好嫩滑。叉燒雖然偏瘦但係好夠腍同爽口，薄切得來好大塊。木耳同蔥都好多，溏心蛋夠軟滑高質。碗麵都幾大，最後都食唔晒。✨黑蒜醬油拉麵：呢個黑醬油湯底走濃味路線，所以要試左雞湯先好食。個黑蒜味好香，但又唔會過鹹。配料同白雞湯果款差唔多，係多咗塊紫菜，麵質夠爽彈。期間限定見有蟹湯拉麵，見到隔離枱食好似好正。✨照燒黑豚肉腸：個味有啲似台式腸，帶少少甜的，燒完出黎仲係好juicy.✨鹽燒五花腩： 食落滿口油香好邪惡，加埋少少鹽花調味，已經好香好好食。