料理処:森 (Changed Hand)

今日嚟到隱身於車房街嘅壽司店，係荃灣區食少有可以坐吧枱嘅壽司店。坐吧枱可以欣賞師博整壽司嘅過程，係等待美食時最好嘅享受。午市套餐不用加一，$100-200。待應招呼很好，有為客人介紹餐牌，加茶都頗密。火炙魚生丼性價比高。所有套餐包沙律、前菜、麵鼓湯、蒸蛋。麵鼓湯味道不會太鹹。蒸蛋較為失望，可能加得太多水，蒸蛋太稀，食落好水質無蛋味。火炙魚生師博整個時好好睇，大大嘅火焰慢慢將魚生外皮燒熟，逼出魚肉嘅脂肪，令魚生更惹味。有三款魚生，每款有兩件厚切。當中以赤身最美味。師博控制火喉剛剛好，外皮薄薄一層被燒香，内裏肉質仍保留到刺身嘅嫩滑口感。不過有點瑕疵，刺身有根，不能一口咬開肉。有點意外係壽司飯做得不錯，飯嘅軟硬度同醋嘅份量都恰到好處。天扶羅刺身定食就有點失色。看過報導知道師博整天婦羅手藝不錯。天婦羅不錯，可惜没有趁熱食，錯過了好時機。刺身只有幾件，質素麻麻。可選壽司飯、烏冬或喬麥麵，選了喬麥麵，無特别。見有客人叫天婦羅壽司定食同魚生丼好似更吸引，也許是選擇錯誤吧！