椰林莊餐廳小廚

Open Now

Now Closed

隱世美食夜晚想食住家飯，但自己唔得閒煮，第一時間就會諗起屋企附近呢間椰林莊。聽講有唔少人特登揸車入黎食，都知呢間唔係普通小菜餐廳咁簡單。我地兩個人食，每次都叫兩餸一飯，好夠食。只要叫兩個餸就會送一碗足料少味精老火湯！呢碗湯係成餐既精粹所在，試過剩係為左碗湯而黎食，今晚呢碗係冬瓜豬骨湯，一貫的入味香甜！讚！今晚叫左佢地既招牌「蠔皇琵琶豆腐」同「鐵板蔥爆羊仔腩」。豆腐外脆內軟，好好味！鐵板羊腩會喺你面前將煮好既羊腩放上鐵板，熱辣辣，好野味！平時黎食都會見d人一家一家黎食，人多既話會叫唔同海鮮，可惜無機會試。老闆同員工都好好客架，成日周圍同客人傾計，店內氣氛相當好！