華記士多 (Closed)

細個住西灣河，大個成日嚟太安樓掃街，都唔知有咁正嘅蛋包飯食，點都要嚟試下啦！12點幾嚟到，已經差唔多坐滿哂，其實都唔係好多位，遲咗嚟就有排等。佢哋人手唔多，加上要做外賣，所以等咗唔少時間，如果冇耐性就要有心理準備。全場十居其九都係叫蛋包飯，可想而知幾受歡迎，等多陣個飯終於嚟啦，即刻食嘢先！呢度嘅蛋包飯係配咖哩汁，裡面有雞肉，加上蛋係有啲溶，食入口更覺軟熟。唔似日式果啲落茄汁帶啲酸味，呢個更加易入口。呢個餐係跟埋嘢飲，我叫咗凍華田，反正唔係重點，唔係太難飲就夠啦。路過食lunce嘅，除咗太安樓之外都可以嚟食下，不過呢度冇冷氣，大熱天時要準備好啲。