CARAT Fine Indian and Mediterranean Cuisine (盈豐商業大廈)

Open Now

Now Closed

每次到尖沙咀食印度菜都係去重興大廈，去左幾次都覺得悶，今次朋友竟然揾到間印度餐廳係商業大廈4樓，真係大隱隱於市，唔特地上去都唔知有餐廳係到。一出電梯就見到店名Carat大大隻咁印係牆到，餐廳裝修有一種異國情調，加上侍應都係印度籍，整個體驗好像置身外國用餐。餐廳仲有個好大既户外位置，一邊望住尖沙咀街景一邊食飯都幾寫意。揭開餐牌真係有驚喜，餐廳除左有印度菜之外，仲提供地中海菜同西餐，種類繁多，睇到人花多眼亂，最後我哋揀左幾味招牌印度菜同地中海菜試下。秘制乳酪醬咖喱角配羅望子醬甜醬薄荷醬，乳酪醬混合其他幾種醬食落酸酸甜甜，少少咸，配上咖喱角，相當開胃。招牌天多里乳酪香料烤雞，外皮塗滿醬汁，酸辣惹味，雞肉烤完都好滑嫩多汁。傳統印度菠菜蓉咖喱雞加牛油烤餅，咖喱外表綠油油好特別，味道微辣，配上烤餅食簡直一絕，烤餅邊皮脆香，中間位有咬口，淋上咖喱汁食完一件又一件，停不了口。摩洛哥烤紐西蘭羊架配石榴汁，薯蓉及彩虹甘筍，一道地中海美食，羊架肉嫩味濃，加上石榴汁酸甜更開胃。新鮮甘筍上滿滿羊肉汁，惹味非常。