Video
Read full review
2023-03-01
95 views
大圍隱世牛扒專家，喺村屋之中，唔係有朋友介紹真係搵唔到嚟呢度，總相信高手在民間，所以嚟試一試。大概喺大圍站行15分鐘就到。餐廳環境細細間，應該都係做街坊生意為主，但係平日嘅夜晚，都keep住有人入。酸辣芫荽炒牛肉扁意粉，意粉調味值得一讚，惹味香口，不過啲牛就有少少筋，雖然係薄切，但都有啲咬口。作為芫荽迷，好想啲芫荽再多啲，芫荽有畫龍點睛嘅效果。安格斯肉眼扒配溫泉蛋，肉眼可見，塊扒肥位都多，但係勝在分量十足大大塊，呢個價錢呢個質素，我收貨。雞腎青瓜，係自家處理嘅雞腎再調味，雖然我個人唔食內臟，但朋友仔話雞腎冇出面嘅內臟臭味，同青瓜之間嘅配搭都好夾，調味都好食，有驚喜。抹茶牛奶， $28大大杯，飲得出落抹茶粉冇手軟，性價比高。菠蘿乳酸，一樣$28大大杯，有質素。香港小店，值得支持！
餐廳環境細細間，應該都係做街坊生意為主，但係平日嘅夜晚，都keep住有人入。
酸辣芫荽炒牛肉扁意粉，意粉調味值得一讚，惹味香口，不過啲牛就有少少筋，雖然係薄切，但都有啲咬口。作為芫荽迷，好想啲芫荽再多啲，芫荽有畫龍點睛嘅效果。
安格斯肉眼扒配溫泉蛋，肉眼可見，塊扒肥位都多，但係勝在分量十足大大塊，呢個價錢呢個質素，我收貨。
雞腎青瓜，係自家處理嘅雞腎再調味，雖然我個人唔食內臟，但朋友仔話雞腎冇出面嘅內臟臭味，同青瓜之間嘅配搭都好夾，調味都好食，有驚喜。
抹茶牛奶， $28大大杯，飲得出落抹茶粉冇手軟，性價比高。
菠蘿乳酸，一樣$28大大杯，有質素。香港小店，值得支持！
Post
