海潮食堂

Open Now

Now Closed

今日黎觀塘區開會，知道呢頭工廠區有好多茶記，平時冇乜機會食，今日就趁呢個機會試一試。呢間餐廳餐牌好多選擇，簡直係多到花多眼亂，選擇困難症既朋友真係有D難搞。聽聞呢度既蔥花蛋治好出名，就揀你啦！蛋治係香港茶餐廳特色食物，但要做到好食唔係容易。呢一份炒蛋生熟程度剛剛好，滑得黎帶有蔥香；麵包外層烘香，外脆內軟，配合內裡的滑蛋加上牛油，口感豐富，呢份多士真係唔簡單！Lunch食一份蛋治真係唔夠飽，黎多樣特別既野—蒜蓉水餃。水餃皮有彈性，餡係韭菜，韭菜味道濃郁。配合蒜蓉食水餃真係比較少見，估唔到咁既組合又唔錯，喜歡蒜蓉味既朋友值得一試呢間茶記質素唔錯，有機會都想再試一試其他野。