煮打菜打冷小菜館 (Closed)

去到筲箕灣食野，熟呢頭既都知，呢度餐廳唔多，選擇偏少，行到內街，見到呢間打冷舖，就入左去試試。環境方面冷氣絕對充足！呢點係好多打冷/大排檔做得差既地方，但點好重要餐具座位枱面，睇落都算乾淨企理，而且多卡位，位置夠曬闊。食物方面鹵水拼盤，唔錯，夠曬入味，而且有大腸，正。蠔仔餅，炸得金黃色，睇得出唔係用萬年油炸出黎既，味道岩岩好（好多餐廳都會整到太咸）茄子燒肉煲，食落幾惹味，不過略嫌油份出左d，但味道都算okay，如果減肥既女士就建議剩係食茄子夠油香，送酒一流。椒鹽豬仔骨，炸得岩岩好，好脆，送上碟仲係好熱，岩岩炸起，無回油，而且外面有辣粉，夠曬香口惹味。總體黎講，食物質素屬於中上，價錢相宜，師傅調味合到好處，但可以店位略嫌遠，不過都值得去試下。