Video
Read full review
2021-09-01
145 views
去八鄉半日遊，行完紅磚屋，隔離竟然就有一間隱世泰國菜，以為冇開，推開門發現好香。有個似老板娘嘅人好熱情咁招呼我哋，一問之下，原來嘢食全部都係泰國人煮，所以好正宗👍🏻流心芝士蝦丸，$82 炸蝦餅成日食，呢個就特別啲，加埋芝士係入面，蝦餅本身好彈牙，外層香口脆身，入面嘅芝士都好多，一啖咬落去，好正😋香芒蝦球，$128朋友最鍾意呢個菜，話好開胃，撈飯一流，d芒果又好甜，入面仲加左好多脆脆嘅腰果，加埋大大隻彈牙蝦球，好好味。而且賣相都好靚，最後除咗中間嘅花球，佢全部配菜都食晒🤣辣椒蝦膏大蜆，$138我自己就最鍾意呢個菜，真係勁好味，蜆好大，無論蜆、洋蔥定係菇，都好好味呀，俾碗飯我呀唔該🤣🤣老板娘問我哋夠唔夠辣，我話辣就唔係好辣，不過好好味，佢話如果食得辣嘅下次可以叫佢加辣🥰火山炭燒雞，$132平時食泰國菜好少叫燒雞，不過老板娘介紹就試吓啦，果然冇介紹錯，隻雞好嫩好嫩，應該係我食過最嫩嘅燒雞，加埋酸甜醬，食多幾件都唔會滯😍香葉辣椒肉碎煎蛋飯，$58呢個肉碎又係勁好味，勁送飯，多多飯都食得落，原本覺得冇可能食得晒，最後一粒米都唔剩😅珍多冰，$30想飲珍多冰又怕太甜，於是乎問吓有冇得走甜或者少甜，原
有個似老板娘嘅人好熱情咁招呼我哋，一問之下，原來嘢食全部都係泰國人煮，所以好正宗👍🏻
流心芝士蝦丸，$82
炸蝦餅成日食，呢個就特別啲，加埋芝士係入面，蝦餅本身好彈牙，外層香口脆身，入面嘅芝士都好多，一啖咬落去，好正😋
香芒蝦球，$128
朋友最鍾意呢個菜，話好開胃，撈飯一流，d芒果又好甜，入面仲加左好多脆脆嘅腰果，加埋大大隻彈牙蝦球，好好味。而且賣相都好靚，最後除咗中間嘅花球，佢全部配菜都食晒🤣
辣椒蝦膏大蜆，$138
我自己就最鍾意呢個菜，真係勁好味，蜆好大，無論蜆、洋蔥定係菇，都好好味呀，俾碗飯我呀唔該🤣🤣老板娘問我哋夠唔夠辣，我話辣就唔係好辣，不過好好味，佢話如果食得辣嘅下次可以叫佢加辣🥰
火山炭燒雞，$132
平時食泰國菜好少叫燒雞，不過老板娘介紹就試吓啦，果然冇介紹錯，隻雞好嫩好嫩，應該係我食過最嫩嘅燒雞，加埋酸甜醬，食多幾件都唔會滯😍
香葉辣椒肉碎煎蛋飯，$58
呢個肉碎又係勁好味，勁送飯，多多飯都食得落，原本覺得冇可能食得晒，最後一粒米都唔剩😅
珍多冰，$30
想飲珍多冰又怕太甜，於是乎問吓有冇得走甜或者少甜，原來係得㗎🤣好正呀，中間仲有個椰子冰花，真係又靚又好飲呀😍
龍眼冰，$30
呢度嘅龍眼冰都有特色㗎，就係佢唔單止用龍眼黎浸，仲加左斑斕葉，所以係有淡淡嘅香味，正👍🏻
甜品拼盤
第一次食紫色嘅甜品，用碟豆花整嘅，下面係椰汁，上面清甜下面奶香，好味。而另一件係好立克整嘅，都好重好立克味，好好味。另外兩件椰汁糕就當然都好好味啦。
點咗咁多樣嘢都好滿意😊😊以後食泰國菜又多一個選擇，雖然遠啲，但係可以遠離塵囂有時都係一種快樂😌😌
Post
