麵屋福

Open Now

Now Closed

是晚在荃灣好想食拉麵, 上網一查發覺拉麵店都有十間八間.. 自己一直都想試下新餐廳, 選左以食沾麵為主的麵屋福!估唔到位置位於小巷都怎住有客人, 食物質素肯定不錯 !麵屋雖然只有三種麵的選擇, 包括魚介豚骨沾麵/ 蕃茄紅油沾麵同黑蒜油豚骨沾麵, 貴精不貴多! 可按個人喜好追加配菜同替玉, 不過本身已夠有半熟蛋, 紫菜同荀, 份量都大大碗 ! 沾麵有別於拉麵食法, 麵和湯是分開上的, 我點了蕃茄紅油沾麵, 湯頭果然濃郁, 蕃茄肉酸酸地非常開胃, 汁杰身點沾麵一流! 慢慢將一小撮麵放入湯到進食, 之後店員會加湯比你飲埋碗湯 , 體驗有趣肚皮大滿足 !